Te ta’ata fa’ati’a / Récit de Nauraiterai Maitui II

Tē fa'ahiti nei 'ōna i te 'ati i ha'afifi i te orara'a o te ta'ata, te peu i mo'e i teie tau 'e tāna parau tumu i te u'i 'āpī. Tē ha'amana'o ra 'ōna ia Raiari'i, 'ua maoro 'ōna i ni'a i te ti'ara'a tāvana i Tautira, 'o Taraufau rā tōna i'oa mau tāna i fa'aro'o, 'ōna ato'a ho'i te 'ōrero parau. Tāna mau rāve'a tanura'a mā'a tupu (te 'uru, te ufi, te māniota, te taro, te 'ūmara) 'e tāna mau tautai. Tē fa'ati'a nei 'ōna i te tahi 'āueuera'a fenua i tupu i te matahiti 1914*, tau hepetoma i muri iho te tupura'a te ma'i rahi i te fenua nei. 1914* : Tē fa'ati'a nei 'ōna i te tahi 'āueuera'a fenua i terā matahiti, tei tupu tau hepetoma nā mua a'e i te 'ati ma'i rahi mai tāna i fa'ahiti i muri iho i roto i te haruharura'a parau.

Nauraiterai évoque des coutumes aujourd'hui disparues, ainsi que les messages essentiels qu'il souhaite transmettre à la jeunesse. Il se souvient de Raiari'i, longtemps chef de Tautira, dont il avait appris que le véritable nom était Taraufau. Celui-ci avait également été l'orateur du district. Il décrit les techniques traditionnelles de plantation notamment pour le 'uru (fruit de l'arbre à pain), l'igname, le manioc, le taro et la patate douce ainsi que ses méthodes de pêche. Il rapporte enfin une secousse sismique survenue en 1914*, suivie, quelques semaines plus tard, de l'apparition de la grippe espagnole sur l'île.

1914* : Il évoque une secousse sismique survenue cette année-là, et affirme plus loin dans l’enregistrement qu’elle aurait eu lieu quelques semaines avant l’apparition de la grippe espagnole.

Tē fa'ahiti nei 'ōna te ma'i rahi i tupu 'e te panara'ahia te 'ōfa'i 'ōti'a fenua i uta i Vaiha e Ta'ari'i 'e e Rerevahine. E nau 'ōti'a fenua ha'amauhia e te mau ta'ata pa'ari, e tu'uhia te 'ōfa'i 'ei tāpa'o fa'atara'a i te mau tuha'a fenua. I te mātāmua ra, e fa'aotihia te pure i muri iho nō reira e mea mana roa te mau 'ōfa'i 'ōti'a fenua. 'Ua pohe ho'i 'o Ta'ari'i 'e 'o Rerevahine i te ha'utira'a i taua 'ōfa'i 'ōti'a ra. Tē ha'amana'o ra 'ōna ia Raiari'i nō Tautira, ia Teri'iero'o nō Papeno'o, e tāvana 'e e 'ōrero parau rāua, te tahi parau nō Teonoetau, nō Teva, nō te mau to'ohitu.Tē fa'a'ite mai ra 'oia ē e fare tāpe'ara'a 'āpī 'o Nu'utania, inaha, tei Pape'ete te fare tāpe'ara'a mātāmua.

Il parle de la grippe espagnole et de la pierre qui marquait la limite vers l'intérieur des terres à Vaiha, laquelle avait été enlevée par Ta'ari'i et Rerevahine. Ces limites avaient été établies par les anciens : une pierre était alors posée pour délimiter les parcelles de terre. Autrefois, les anciens achevaient toujours leur marquage par une prière, ce qui expliquait le caractère sacré des pierres délimitant les terrains. Ta'ari'i et Rerevahine étaient morts pour avoir déplacé cette pierre. Il se rappelle de Raiari'i de Tautira et de Teri'iero'o de Papeno'o, tous deux chefs mais aussi orateurs dans leurs districts respectifs. Il tient également des propos sur Teonoetau, sur Teva et sur les To'ohitu. Il rappelle enfin que la prison de Nu'utania est une création récente, l'ancienne prison se trouvant autrefois à Pape'ete.

Te umu i terā ra tau, te mau mā'a tāna e tanu pinepine nei, tāna tautai. 'Ua amo 'ōna i te ti'ara'a ti'atono, mai te matahiti 1923, 'e 'ua rae'a-roa-hia tōna matahiti i te hitu 'ahuru, e 'auvaha pāroita ato'a na. 'O Marama te ti'atono nō Puna'auia. Te tahi tere mē i tupu i Mo'orea 'e tāna tautai i te tarao.

Il évoque l'usage du four d'autrefois, les aliments qu'il avait coutume de planter, ainsi que sa pratique de la pêche. Il a exercé les fonctions de diacre de 1923 jusqu'à l’âge de soixante-dix ans, et a également été porte-parole de la paroisse. Marama était, pour sa part, diacre à Puna'auia. Il mentionne une mission de quête au mois de mai à Mo'orea, ainsi que sa pêche à la loche.