ĀVA’A ATAHO’A, ‘oia te ha’apuera’a hoho’a uira nō Porinetia farāni. Te fā o teie tahua natirara, o te aupurura’a ïa, te ha’afaufa’ara’a ‘e te ha’amatarara’a o te mau pu’e hoho’a e fatuhia ra e te pū fa’aterera’a o te Papa Hīro’a ‘e Faufa’a Tumu (DCP) ; ‘oia te pū a te Hau i fa’ata’ahia nō te ha’apa’o i te parau o te pārurura’a, o te vai-māite-ra’a, o te tuatāpapara’a ‘e o te ha’apūharara’a i te hīro’a tumu, te faufa’a tumu tahito, i te pāpa’a parau, te ihipapa ‘e tae noa atu i te faufa’a mātēria ‘ore o te mau motu ato’a nō Porinetia farāni. Nā ni’ara’a mai i te pū Te Anavaharau, ‘o tei fa’anaho-fa’ahou-hia ‘ei piha ‘ohipa nō te hīro’a ‘e te faufa’a tumu, hou ‘a riro mai ai i teie nei te pū fa’aterera’a o te Papa Hīro’a ‘e Faufa’a Tumu, ‘ua maha ‘ahuru matahiti i teie nei tōna rohi-noa-ra’a nō te ha’aputu, nō te tāpe’a ‘e nō te pūhara i te faufa’a tumu e vai nei i te Fenua.

Tē fa’a’ite mai ra ïa teie mau hoho’a ha’apu’ehia i ni’a i te tahua ĀVA’A ATAHO’A i te mau tāpura ‘ohipa i arata’ihia mai e te mau rave ‘ohipa o te pū ‘a tau tinitau i teie nei. Maoti te mau tau patara’a hoho’a i arata’i ‘āpipitihia ‘e te mau tau ‘ohipa tītauhia nō te tāpurara’a, nō te mā’imi’imira’a, nō te ihipapa ‘e te ihi iho nuna’a, nō te aupurura’a ‘e nō te fa’a’āpīra’a o te mau faufa’a tumu i pu’e ai teie mau hoho’a ; ‘aua’a ato’a rā te mau pu’e parau ha’amāramaramara’a i te tupura’a o te mau ‘ōro’a tumu, i te huru o te mau ‘ite o tō te Fenua, ‘e te mau pu’e parau e fa’a’ite ra i te tauira’a o te hurufenua o te mau ta’amotu rave rau.

‘Ua vaiiho ato’a rā te feiā pata hoho’a, te feiā tuatāpapa, te mau pū ‘ohipa ‘e te mau taata noa i tā rātou faufa’a i roto i te rima o te Papa Hīro’a ‘e Faufa’a Tumu ma te mana’o aupuru i te reira ; i rahi atu ā ai ïa taua mau pu’e hoho’a. Tē fa’a’ite mai ra teie mau putura’a hoho’a i te mau ‘ohipa i haerehia mai ‘ua tenetere ti’ahapa i teie nei. E hi’ora’a matara ato’a te reira i ni’a i te mau tahua ihipapa, te mau patura’a faufa’a, te mau hurufenua, ‘e i ni’a ato’a ho’i i te mau nūna’a ‘e tāna mau peu tumu, te huru o te mau patura’a rau, te anoihi tumu ‘e te huru o te orara’a tāmahana i Porinetia farāni.

‘Ua tāpa’ohia te feiā i ha’a rahi na nō te putura’a o te mau hoho’a, ‘oia ho’i te feiā pata hoho’a ‘o Louis Grelet, Claude Coirault, Jean-Claude Bosmel, Marie-Hélène Villierme, Danee Hazama, Gérard Fenelon, Emmanuel Vigneron, Philippe Boisserand, Heidy Baumgartner-Lesage ‘e ‘o Léon Sterling. Nā roto i teie mau hoho’a i patahia e rātou e ‘itehia ai te mau ‘ohipa i arata’ihia nō te pārurura’a i te hīro’a tumu ; tē ‘ite-ato’a-hia ra rā te huru o te orara’a tumu, ‘e te tauiuira’a o te fenua.

‘Āre’a te huru ihi o taua mau pu’e hoho’a, tē ha’apāpūhia mai ra ïa te reira e te mau ha’ara’a a te mau tahu’a ihipapa, te mau ‘aivana’a ‘imi ‘ihi ta’ata, te mau tahu’a ihi iho nūna’a ‘e a te mau ta’ata pāpa’i pāpa’a parau ; ‘oia ïa ‘o Pierre Ottino, Edmundo Edwards, Cristino Claudio, Jean-Michel Chazine, Mark Eddowes, Jean-Luc Rieu, François Ollier, Éric Conte, Patrick O’Reilly, Yoshihiko Sinoto, Christian Ghasarian, ‘e ‘o William Mulloy. Tē fa’a’ite pāpū mai ra tā rātou mau hoho’a i te mau ‘ohipa i arata’ihia mai e rātou : te mau pāherura’a repo fenua, te mau marae, te mau nana’o ‘ōfa’i, te mau vāhi fa’aeara’a ‘e te mau ārea fenua faufa’a ; e ‘ite-ato’a-hia rā te raura’a o te mau nūna’a, o te mau peu tumu ‘e te raura’a o te huru orara’a i roto i tā rātou mau tutāpapara’a. ‘Ua riro teie mau hoho’a ‘ei pu’e parau ha’amāramarama i te huru ihi ‘e ‘ei pāpa’a parau, ‘oia te tahi faufa’a fāito ‘ore. 

E nu’u noa ā te ‘ohipa o te ha’apu’era’a hoho’a i ni’a ia ĀVA’A ATAHO’A. Tē fa’a’ī pāpūhia nei te mau pu’e hoho’a ‘ia au i te mau tau patara’a hoho’a fa’aterehia e te Papa Hīro’a ‘e Faufa’a Tumu, i te mau hōro’a ta’a’ē a te mau ta’ata ‘e a te mau pū ‘ohipa, ‘aore rā nā roto i te tānūmeri marū-noa-ra’a i te mau hoho’a ha’aputu tahito. Maoti taua mau hoho’a tāta’itahi i ti’a mai ai teie faufa’a ‘āmui ; ‘oia te tahi o te mau rāve’a ha’amaita’ira’a i te ‘ite i ni’a i te tua’ā’ai, i te raura’a o te peu tumu ‘e o te faufa’a tumu e vai nei i Porinetia farāni.   

Tē fa’ari’i matara nei teie tahua natirara, ĀVA’A ATAHO’A, i te ta’ata ato’a ‘ia heheu i teie mau hoho’a faufa’a tumu. E rāve’a fa’a’itera’a i te parau ‘e i te iho tumu o te Fenua tā teie mau hoho’a e tu’u atu nei.

 

ĀVA’A ATAHO’A hō’ē papa ‘āfa’i tau’aparau natirara ō te Fenua, ‘ōpuahia nō te ha’aparare i te faufa’a tumu mā’ohi haruharuhia nō Pōrīnetia farāni.
Tāmoni ‘ore, e rāve’a nō te ta’ata tata’itahi e ‘amu i te parau tāpa’o tahito ā te ruhiruhiā.
E papa ha’apurorohia ‘e Te papa hīro’a ‘e Faufa’a tumu – Direction de la Culture et du Patrimoine, i te aroā ō te feiā rava’āi, PK 15, pae tai- Nu’uroa n° 7 – Tahiti, Pōrīnetia farāni – B.P 380586 – 98703 Puna’auia, Tahiti – Nūmera niuniu (+689) 40 42 01 28   Rata natirara : direction@culture.gov.pf.
Te fa’atere nene’ira’a : Joany CADOUSTEAU, ti’a fa’atere i Te papa hīro’a ‘e Faufa’a tumu.

Pāturuhia ‘e te Hau fenua ‘e te Fa’aterera’a-hau nō te Ta’ere Mā’ohi.

Te tia’au ‘ōpuara’a : Martine RATTINASSAMY (Te papa hīro’a ‘e Faufa’a tumu)
Ravera’a : Eric BOURGEOIS ‘e Marc E. LOUVAT (Te papa hīro’a ‘e Faufa’a tumu).

 

_______________________

 

ĀVA’A ATAHO’A est la photothèque en ligne de la Polynésie française. Elle a été créée pour préserver, valoriser et rendre accessibles à tous les collections photographiques de la Direction de la Culture et du Patrimoine (DCP), service public chargé de la protection, de la conservation, de l’étude et de la diffusion du patrimoine culturel, historique, archéologique et immatériel de la Polynésie française. Héritière du Centre Polynésien des Sciences Humaines – Te Anavaharau, puis du Service de la culture et du patrimoine, la DCP poursuit depuis plus de quarante ans une même ambition : documenter, préserver et faire connaître le patrimoine du Fenua.

Les collections réunies sur ĀVA’A ATAHO’A reflètent cette action menée au fil des décennies. Elles sont constituées des nombreuses campagnes photographiques réalisées par les agents de la Direction dans le cadre de leurs missions d’inventaire, de recherche, d’archéologie, d’ethnologie, de conservation et de restauration du patrimoine, mais aussi de documentation des manifestations culturelles, des savoir-faire traditionnels et de l’évolution des paysages des différents archipels.

La photothèque s’est également enrichie grâce aux fonds confiés par des photographes, des chercheurs, des institutions et des particuliers (Fonds de la famille Grelet) qui ont souhaité préserver leurs archives en les remettant à la DCP. Ces collections couvrent plus d’un siècle d’histoire et offrent un regard unique sur les sites archéologiques, les monuments historiques, les paysages, les habitants, les pratiques culturelles, l’architecture, les arts traditionnels et la vie quotidienne en Polynésie française.

Parmi les principaux contributeurs figurent les photographes Claude Coirault, Jean-Claude Bosmel, Marie-Hélène Villierme, Danee Hazama, Gérard Fénelon, Emmanuel Vigneron, Philippe Boisserand, Heidy Baumgartner et Léon Sterling, dont les images témoignent aussi bien des grandes missions patrimoniales que de la vie culturelle et de l’évolution du territoire.

La dimension scientifique des collections est portée par les travaux de nombreux archéologues, anthropologues, ethnologues et historiens, parmi lesquels Pierre Ottino, Edmundo Edwards, Cristino Claudio, Jean-Michel Chazine, Mark Eddowes, Jean-Luc Rieu, François Ollier, Eric Conte, Patrick O’Reilly, Yoshihiko Sinoto, Christian Ghasarian et William Mulloy. Leurs photographies documentent les fouilles, les marae, les pétroglyphes, les sites d’habitat, les paysages culturels, mais aussi les communautés, les traditions et les modes de vie observés au cours de leurs recherches. Elles constituent aujourd’hui une documentation scientifique et historique d’une valeur exceptionnelle.

Les collections d’ĀVA’A ATAHO’A demeurent en constante évolution. Elles s’enrichissent régulièrement de nouvelles campagnes photographiques menées par la Direction de la Culture et du Patrimoine, de dons de particuliers ou d’institutions, ainsi que de fonds anciens progressivement numérisés. Chaque nouvelle image vient compléter cette mémoire collective et contribue à une meilleure connaissance de l’histoire, de la diversité culturelle et des patrimoines de la Polynésie française.

Entièrement gratuite, ĀVA’A ATAHO’A invite chacun à explorer ce patrimoine en images. Chaque photographie, constitue une fenêtre ouverte sur l’histoire et l’identité du Fenua.

 

La plateforme est éditée par la Direction de la Culture et du Patrimoine – Te Papa Hiro’a e Faufa’a tumu, située Route de la pointe des pêcheurs, PK 15 côté mer – Nu’uroa n° 7 – Tahiti, Polynésie française – B.P. 380586 – 98703 Punaauia, Tahiti – Tél. (+689) 40 42 01 28 – Courriel : direction@culture.gov.pf,
Responsable éditorial : Madame Joany CADOUSTEAU, Directrice de la Direction de la culture et du patrimoine.
Avec le soutien de la Polynésie française et du ministère de la Culture.

Cheffe de projet : Martine RATTINASSAMY (Direction de la Culture et du Patrimoine).
Mise en œuvre : Eric BOURGEOIS et Marc E. LOUVAT (Direction de la Culture et du Patrimoine).
Habillage : Oba Com – Maxime Bonenfant-Brothers

Personnels ayant travaillé sur les fonds photographiques de la DCP.
Heidy Baumgartner-Lesage
Elizabeth Kawa
Kareen Tehuritaua
Mere Teriitehau épouse Tokoragi
Martine Rattinassamy