Te penu nui no Maupiti – (Hiro’a n° 215 – Novembre 2025)
Te penu nui no Maupiti – (Hiro’a n° 215 – Novembre 2025)
Te taraira’a hia o PENU
Tona i’oa o Penu tei ti’a maite ra i ni’a i te fenua PUATERAMAITEMATAIPAFAAITE te ti’ara’a ato’a o te taura’a manureva no MAUPITI.
Te tahi parau faufa’a no teie Penu i faahiti hia mai na te ra papa i tarai ia Penu no te ha’ati’a iana i ni’a te ra fenua.
O Gabriel TAPUTU te tahi ta’ata i tarai ia Penu. Teie tona reo :
« Ua haere mai teie nau tamarii e fārerei nia’u mai te parau mai e, papa! Te tupu ra hõe ohipa te vai nei i te hõē fa’anahora’a teie opua hia ra na te tomite ti’a’au ra te parau e te ohipa o te fa’ari’ira’a ratere. Hō’ē opuara’a teie tei tape’a hia mai oia ho’i e tarai ho’e penu rahi no te fa’afaufa’ara’a teie faufa’a tumu ta katou. Te tumu maua e haere mai e fārerei ia oe papa.
Pe’ape’a te mana’o no te mea aita e ofa’i rahi i’o nei i mātou nei, te vai ra i Huahine teie nei aita e tano e rave i te ofa’i no Huahine e afa’i mai e tarai i’o nei. Haere vau e fārerei te ra tamarii iti ta’u (neveu) no te mea ua ite au e ua tapu hia tona fenua to’u ia uira’a atu iana. Aiu te vai noa ra te ra ofa’i i ni’a ? Pahono mai nei, e. To’u ia haere ra’a e rave mai te ra ofa’i te vai noa ra i’ō. Rave ra’a mai no te afa’i i raro, afa na ropu e aita e nehenehe e rave. Te tahi mahana i muri iho, te fa’aro’o noa ra vau te ofa’í te hani mai ra’a mai, te pi’i mai ia’u, huri atura vau te vai noa mai ra te ra ofa’i i roto i te ma’a pape. To’u ia na’ora’a i ta’u tamahine e ua ite hia ta katou ofa’i. Ha’amata roa mai nei maua i te rave. Te maha no māti teie matahiti e piti tautini e piti ahuru ma pae.
Parau mai nei te ra vahine nuuhiva (Eliane e marquisienne) e papa aita e oti hia no te mea te ra huru ofa’i e haere ona e va’u aore ra e ho’e matahiti e oti mai ai i te tarai iana. Pahono atura vau iana, e ti’aturi iana, na teie ofa’i e pi’i mai ia’u. Ua ti’aturi ato’a ihoa vau te parau a Eliane, to’u ia fa’aitoito fa’ahou ra’a.
Tae mai i te ava’e eperera, tei i’ō nei te ho’e ti’a ia Teiva Manutahi no te ho’e rurura’a. To’u ia fārerei ra’a teie papa (Dany YEE ON) e tarai ofa’i ihoa tana ohipa. Ui mai nei teie papa ia ‘u, e eaha te huru ta oe ohipa ? Pahono atura vau e, te ti’a’i noa atura ia outou.
I te piti ahuru ma iva no Eperera to mātou ha’a noa ra’a e tae mai i teie mahana a ho’e ava’e e e piti hepetoma teie nei.
Ua tarai mātou i ni’a i te fa’anahora’a o te mau tupuna, no te mea ia ratou e tarai ratou e piti tara e i teie mahana te tarai nei matou te penu e toru tara. Te ra e piti tara no Hotuparaoa e o Hotuaae e te toru ra’a o te tara o Teurufatiu. Ua fa’ati’a hia o Penu i ni’a i te fa’atu’ati jana i te mou’a ra e tara ato’a o Teurufa’atiu. Ua riro ratou to’o toru e ti’a’i no Maupiti. »
Maupiti i te tarai penu
Ua riro ho’i oe e metua vahine no
te ofa’i parau hia e Penu
Tupa’i te hotu nui no roto i te
fenua, no te fa’aora te ma’i rau o
te ta’ata
Maupiti i te tarai i te tarai penu
A mau oe, a Maupiti
E piti penu
Himene hia e te ta’ata himene
ra o Aky FIRUU
Teie te tahi pata’uta’u no Penu
Penu e, ōu
Penu e ! ōu
Piri iti teie no to’u ai’a Maurua
Piri iti teie no to’u ai’a Maurua
Tupa’i Penu
Pa’aina Penu
Po’a ihoa Penu e
