E parau nō te Fare Vāna´a mai te ha´amatara´a ē tae roa mai i teie mahana (Tuha’a 3) (Hiro’a n° 208 – Avril 2025)
Rohiparau : Fare Vāna’a
hōho’a : Fare Vāna’a
Te mau Vāna’a mātāmeha’i
Mai te pae ‘aui ē tae atu i te pae ‘atau :
Tei pārahi noa : Samuera Raapoto ‘orometua, Geneviève Clark-Cadousteau, Elie Salmon, Maco Tevane, John Martin, Willy Lagarde ‘e te Metua Hubert Coppenrath
Tei ti’a noa : Roland Sue, Ame Huri, Paul Prévost, Rosa Klima, Paul Langomazino, Antonina Peni, Flora Devatine, Yves Lemaitre, Alexandre Holozet ‘e ‘o John Doom
Tei ‘ore i roto i te hoho’a : ‘o Françis Sanford, Joseph Kimitete ‘e ‘o Raymond Pietri
Te mau matahiti mātāmua
A he’e noa ai te tau, ‘ua tauiui te aro’a o te Fare Vāna’a. I roto i nā Vāna’a mātāmeha’i e 20, e toru tei fa’aho’i i tō rātou ti’ara’a i te matahiti 1978 : ‘o Joseph Kimitete, ‘o Francis Sanford ‘e o Paul Langomazino, hō’ē i te matahiti 1982 : ‘o Paul Prévost ‘e hō’ē i te matahiti 1986 : ‘o Alexandre Holozet.
Teie tā te pohe i rave atu: Nā mua roa ‘o te Peretiteni o te ‘Ētārētia ‘Evaneria ‘o Samuera Raapoto ‘orometua (1976) ‘āpe’ehia atu e tōna mono ‘o Victor Teriierooiterai (1984), i muri mai ‘o Elie Salmon (1994), Antonina Peni (1999), ‘o Roland Sue (2000), ‘o Geneviève Cadousteau-Clark (2001), ‘o Willy Lagarde (2001) ‘e ‘o Rosa Klima (2002)
Nō te mono i teie mau Vāna’a i hi’a atu, ‘ua mā’itihia ‘o Myron Mataoa (1978), ‘o Jessie Poroi (1978), ‘o Arapari Paparai ‘orometua (1979), ‘o Patua Coulin (1983), ‘o Duro Raapoto (1983), ‘O Simone Hargous (1986), ‘o Louise Peltzer (1998), ‘o Winston Pukoki (2000), ‘o Johanna Nouveau (2000), ‘o Voltina Dauphin (2002), ‘o Etienne Chimin (2002), ‘o Denise Terorotua-Raapoto (2003)
Te To’ohitu
Nā te To’ohitu e fa’atere i te Fare Vāna’a.
E mā’itihia rātou nō te maorora’a e 3 matahiti.
Teie tō rātou ti’ara’a : Te Vāna’a Nui, te To’ofā, te ‘Apo Parau, Te Ha’apa’o Faufa’a, ‘e nā Īato’ai to’otoru.
