Ua tae mai i te hepetoma i ma’iri a’e nei te pahī DORY 2. E ha’amata ’oia i te fa’a uta ra’a i te mau ta’ata e te tao’a i rotopū ia Tahiti e te mau motu o Tuamotu To’oa o te rā.

E 71 metera te roa o teie pahī. E nehenehe tāna e fa’auta e tae atu i te 1 400 tane tao’a, e e nehenehe ato’a tāna e fa’ahaere e tae atu i te 140 ta’ata ratere.
 
E ha’amata te DORY 2 i tāna mau tere i te 24 nō ‘Ātete 2026, nō te ha’a maita’i i te faura’a e te fa’atupura’a i te tao’a e hina’arohia e te mau ta’ata e noho ra i ni’a i te mau motu e fa’aterehia e teie pahī.
 
E tuha’a faufa’a tā te taera’a mai o teie pahī ‘āpi nō te ha’a fātata i te mau motu e nō te fa’a’ohie i te mau tau’aparau’ara’a i rotopū ia Tahiti e te mau Tuamotu To’oa o te rā. E ti’ara’a faufa’a mau tō te faura’a nā ni’a i te miti nō te fa’atae i te mau tao’a e hina’arohia i te mau mahana ato’a, te mau tauiha’a e te mau materia, e nō te fa’a haere ato’a i te mau ta’ata i rotopū i te mau motu.
 
Nā roto i tāna mau ‘ohipa, e turu te DPAM i te mau pahī e rave nei i te faura’a i rotopū i te mau motu, e e hi’opo’a ’oia i te ha’apa’ora’a i te mau ture nō te parurura’a o te mau pahī, te mau ta’ata ratere e te tere nā ni’a i te miti.
 
Maeva i te DORY 2, e ‘ia maita’i tāna mau tere mātāmua i roto te mau Tuamotu !