Ua tae atu te Pu no te mau Ohipa na te Moana (DPAM) i te farerei ra’a i faanaho hia e te taatiraa Océania, no te faaineine i te hoê parau faatura no te parururaa i te mau tohorā.
E rave rahi pahi i roto i to tatou moana
I te mau matahiti atoa, e rahi roa te tereraa pahi i pihai iho i to tatou mau motu :
- Hau atu i te 6 000 terera’a pahi vitiviti i rotopu ia Tahiti e Moorea
- Hau atu i te 20 pahi e tavini tamau nei i te taatoa ra’a o te mau motu no Porinetia
- Fatata i te 300 poti marara, 80 pahi tai‘a ohopu, e 100 va’a ta’ie no te ratere
- I rotopu i te 700 e te 1 000 tapaeraa pahi ratere e te mau pahi ra i Porinetia
- E tae atu i te 15 000 pahi faaearaa
Te faaite nei teie numera e mea faufaa ia ara maita, i te mau fifi e tupu nei i nia i te mau tohora.
Te hoê haereara’a e taati ia tatou i ta tatou mau peu tumu
E rave rahi te mau ihitai, e te mau taata rava‘ai, e tae noa atu i te mau taata e ora nei na te mau motu, e parau tahiti nei. Ei ti’a ia ha’a manao no te mau api parau e te mau ha’a maramarama ra’a i roto i te mau fa’a otira’a no te paruru i te mau tohora.
Mai te mau rāhui, o tei faaite mai e e manuia te parururaa ia maramarama e ia fariihia e te taata, te hinaaro nei teie parau faatura i te turu i ni‘a i ta tatou mau peu, ta tatou mau faufaa e to tatou mana‘o faatura. Mea ohie noa te opuaraa : ia tamau noa te tere e te rave ohipa i ni‘a i te moana, ma te faatura i te ora ra’a o te moana.
Te tuatira’a e te fanahora’a e te mau fenua no Patitifa
Ua haamana‘o te DPAM e tei roto te Fenua i te Pacific Ocean Maritime Framework (POMF), hoê fafauraa i rotopu i te mau fenua e te mau tuhaa fenua o te Moana no Patitifa no te haamaitai i te mau raveraa ohipa i ni‘a i te moana, no te haapii maitai atu i te mau ihitai e no te paruru maitai atu i te moana. Te parau faatura a Océania, tei roto atoa ïa i teie huru fanahora’a.
Eita te mau tohorā e faaea noa i roto i to tatou mau otia moana. E tere atu ratou i Rarotoa, i Tonga, i Aotearoa e i te tahi atu mau motu o Patitifa. No reira, te parururaa ia ratou, e ohipa te reira na tatou paatoa, i ô nei e i roto atoa i te tuhaa moana no Patitifa.
E tamau noa te DPAM i te turu i te taatiraa Océania i roto i teie fanahora’a. Te hinaaro, ia haere amui tatou, ma te ohie e ma te papu, no te hoê tereraa pahi e faatura i to tatou moana e te mau tohorā e tere nei na roto i to tatou moana.
