Ua iri te pahī taie ra o TE VAI ATEA i te 17 no mati 2026 i mairi ae nei i te pae apatoerau no Moorea. Mai te reira atu mahana,e tae roa mai i teie nei taime, te tupu noa ra te faanahoraa no te iriti raa mai teie pahī taie.
I te 18 no mati 2026, ua faaue te fatu no te pahī i te taiete ohipa moana POSS ia tamā i te ha’avi’ivi’ira’a, mai te parau faaueraa a te Taumihau no te mau ohipa rarahi.
I muri mai, i teie faanahoraa, ua rave papu hia te ohipa no te tama raa i te mau vi’ivi’i atoa. Mai te parau o te mōrī hinu e te mau putu uira. Ua iriti paatoa hia te mau mātini e te mau fari’i mōrī hinu. E tae noa atu i te mau tauihaa huru rau e nehenehe e faahuru e i te roto o te tai. No teie taime, aita ia e fifi haaviiviiraa i te tai e ite hia ra.
Ia ‘au te faaueraa a te Taumihau no te mau ohipa rarahi, ua faanaho te fatu pahī e ta na taiete paruru i te parau no te iritiraa i te pahi taie, i raro ae i te hi’opo’a raa a te pū fa’aterera’a ‘e te fa’aturera’a i te mau ‘ohipa rau o te moana (DPAM).
I te 19 no mati 2026, i mua i te huru o te miti puai i te reira mahana, ua faa ‘ū te pahi taie i te mau are miti o tei faatupu i te tahi atu a mau fifi : ua fati te tira, e rave rahi mau apa apa atoa i mahuti, o tei faatupu i te mau āiha.
Ua titau rū hia te taiete POSS no te tamā i te mau vi’ivi’i ato’a e paeinu noa ra. Ua haapapu te taiete e rohi papu oia ia ore te vi’ivi’i ia parare hau atu, mai teie atu, e tae noatu i teie nei hope’a tapati no te tamā maitairaa i te mau vi’ivi’i o te pahi taie.
Ia au te tapura ohipa, e rave rū hia te iriti ra’a i te pahi taie i teie nei monire i mua nei.
E ita paha te taatoa ra’a o te mau apa apa o te pahi taie e ohi oioi hi’a. Ua faau hia hoe faanaho ra’a ta’a e no te ohi ra’a te taatoa raa o te mau vi’ivi’i i roto i te tai roto. O tei ohi hia na te mau feia e noho nei na pi aiho.
No teie faanaho ra’a rū, te vai ara noa ra te mau pū a te hau fenua e tae noa tu i te mau taatira’a, no te tere maita’i ra’a o te ohipa tamā ra’a, ia au te faatura ra’a o te ture paruru, e te paruru ra’a o te aru tai mareva.
